ਲੁਧਿਆਣਾ, 9 ਜਨਵਰੀ:(ਪ੍ਰਿਤਪਾਲ ਸਿੰਘ ਪਾਲੀ) ਆਬਕਾਰੀ ਅਤੇ ਕਰ ਵਿਭਾਗ, ਲੁਧਿਆਣਾ-3 ਦੇ ਅਧਿਕਾਰੀਆਂ ਵੱਲੋਂ ਰਾਜ ਜੀ.ਐਸ.ਟੀ ਵਿਭਾਗ ਦੁਆਰਾ ਚੁੱਕੇ ਜਾ ਰਹੇ ਉਪਾਵਾਂ ਦੀ ਨਿਰੰਤਰਤਾ ਵਿੱਚ ਵੀਰਵਾਰ ਨੂੰ ਬਹਾਦੁਰ ਕੇ ਟੈਕਸਟਾਈਲ ਅਤੇ ਨਿਟਵੀਅਰ ਐਸੋਸੀਏਸ਼ਨ (ਐਸ.ਪੀ.ਵੀ), ਏ.ਸੀ ਮਾਰਕੀਟ ਡੀਲਰ ਐਸੋਸੀਏਸ਼ਨ, ਕੋਲਡ ਸਟੋਰੇਜ ਡੀਲਰ ਐਸੋਸੀਏਸ਼ਨ, ਹੌਜ਼ਰੀ ਸਾਮਾਨ ਐਸੋਸੀਏਸ਼ਨ, ਡੀਲਰਾਂ ਅਤੇ ਵੀਜ਼ਾ ਅਤੇ ਇਮੀਗ੍ਰੇਸ਼ਨ ਸੇਵਾਵਾਂ ਦੇ ਸਪਲਾਇਰਾਂ ਦੇ ਨੁਮਾਇੰਦਿਆਂ ਨਾਲ ਦੁਬਾਰਾ ਮੀਟਿੰਗਾਂ ਕੀਤੀਆਂ ਗਈਆਂ ਤਾਂ ਜੋ ਉਨ੍ਹਾਂ ਨੂੰ ਵਸਤੂਆਂ ਅਤੇ ਸੇਵਾਵਾਂ ਟੈਕਸ (ਜੀ.ਐਸ.ਟੀ) ਐਕਟ ਅਧੀਨ ਰਜਿਸਟ੍ਰੇਸ਼ਨ ਦੀ ਮਹੱਤਤਾ ਬਾਰੇ ਜਾਗਰੂਕ ਕੀਤਾ ਜਾ ਸਕੇ।
ਇਸਦਾ ਉਦੇਸ਼ ਗੈਰ-ਰਜਿਸਟਰਡ ਕਾਰੋਬਾਰਾਂ ਨੂੰ ਜੀ.ਐਸ.ਟੀ ਹੇਠ ਆਉਣ ਅਤੇ ਟੈਕਸ ਮਾਲੀਏ ਦੇ ਵਾਧੇ ਵਿੱਚ ਯੋਗਦਾਨ ਪਾਉਣ ਲਈ ਉਤਸ਼ਾਹਿਤ ਕਰਨਾ ਸੀ। ਬਹਾਦੁਰਕੇ ਰੋਡ, ਫਿਰੋਜ਼ ਗਾਂਧੀ ਮਾਰਕੀਟ, ਪੀ.ਏ.ਯੂ ਅਤੇ ਨਾਲ ਲੱਗਦੇ ਖੇਤਰ ਸੱਗੂ ਚੌਕ, ਸਾਊਥ ਸਿਟੀ, ਕੈਨਾਲ ਰੋਡ, ਹੈਬੋਵਾਲ ਰੋਡ ਨਾਲ ਲੱਗਦੇ ਖੇਤਰ ਲੁਧਿਆਣਾ-3 ਦੇ ਖੇਤਰਾਂ ਨੂੰ ਕਵਰ ਕੀਤਾ ਗਿਆ। ਡੀਲਰਾਂ ਨੂੰ 10 ਜਨਵਰੀ, 2024 ਤੋਂ ਜੀ.ਐਸ.ਟੀ ਵਿਭਾਗ ਵੱਲੋਂ ਸ਼ੁਰੂ ਕੀਤੀ ਜਾ ਰਹੀ ਰਜਿਸਟ੍ਰੇਸ਼ਨ ਅਤੇ ਸਰਵੇਖਣ ਮੁਹਿੰਮ ਬਾਰੇ ਜਾਗਰੂਕ ਕੀਤਾ ਗਿਆ।
ਮੀਟਿੰਗ ਦੌਰਾਨ ਸ਼੍ਰੀਮਤੀ ਸ਼ੀਨੀ ਸਿੰਘ ਸਹਾਇਕ ਕਮਿਸ਼ਨਰ ਸਟੇਟ ਟੈਕਸ, ਲੁਧਿਆਣਾ-3, ਅਤੇ ਸ਼੍ਰੀ ਹਰਦੀਪ ਸਿੰਘ ਆਹੂਜਾ ਸਟੇਟ ਟੈਕਸ ਇੰਸਪੈਕਟਰ ਨੇ ਜੀ.ਐਸ.ਟੀ ਰਜਿਸਟ੍ਰੇਸ਼ਨ ਦੇ ਫਾਇਦਿਆਂ ‘ਤੇ ਜ਼ੋਰ ਦਿੱਤਾ। ਸ਼੍ਰੀ ਭੁਪਿੰਦਰ ਸਿੰਘ ਭਾਟੀਆ ਸਟੇਟ ਟੈਕਸ ਅਧਿਕਾਰੀ ਅਤੇ ਉਨ੍ਹਾਂ ਦੀ ਟੀਮ ਦੁਆਰਾ ਬਹਾਦਰਕੇ ਰੋਡ, ਲੁਧਿਆਣਾ ਵਿਖੇ ਡਾਇੰਗ ਯੂਨਿਟਾਂ ਅਤੇ ਟੈਕਸਟਾਈਲ ਦੇ ਜੌਬ ਵਰਕਰਾਂ ਦੇ ਨਾਲ ਬਹਾਦੁਰਕੇ ਟੈਕਸਟਾਈਲ ਐਂਡ ਨਿਟਵੀਅਰ ਐਸੋਸੀਏਸ਼ਨ (ਐਸ.ਪੀ.ਵੀ) ਦੇ ਨੁਮਾਇੰਦਿਆਂ ਨਾਲ ਇੱਕ ਮੀਟਿੰਗ ਕੀਤੀ ਗਈ। ਸ਼੍ਰੀਮਤੀ ਮਨੂ ਗਰਗ ਐਸ.ਟੀ.ਓ ਅਤੇ ਉਨ੍ਹਾਂ ਦੀ ਟੀਮ ਦੁਆਰਾ ਏ.ਸੀ ਮਾਰਕੀਟ ਐਸੋਸੀਏਸ਼ਨ ਦੇ ਦੁਕਾਨਦਾਰਾਂ, ਸਾਊਥ ਸਿਟੀ, ਲੁਧਿਆਣਾ ਵਿਖੇ ਫੂਡ ਐਂਡ ਰੈਸਟੋਰੈਂਟ ਸੇਵਾਵਾਂ ਦੇ ਸਪਲਾਇਰਾਂ ਨਾਲ ਵੀ ਇਸੇ ਤਰ੍ਹਾਂ ਦੀ ਮੀਟਿੰਗ ਕੀਤੀ ਗਈ। ਆਮ ਜਨਤਾ/ਵਪਾਰੀ/ਦੁਕਾਨਦਾਰਾਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਆਪ ਨੂੰ ਜੀ.ਐਸ.ਟੀ ਐਕਟ, 2017 ਅਧੀਨ ਰਜਿਸਟਰ ਕਰਵਾਉਣ ਭਾਵੇਂ ਇਹ ਮਾਲ ਸੈਕਟਰ ਹੋਵੇ ਜਾਂ ਸੇਵਾ ਸੈਕਟਰ।
ਸਰਕਾਰ ਵੱਲੋਂ ਵਿਭਾਗ ਨੇ ਕਾਰੋਬਾਰਾਂ ਨੂੰ ਜੀ.ਐਸ.ਟੀ ਨਿਯਮਾਂ ਦੀ ਪਾਲਣਾ ਕਰਨ ਵਿੱਚ ਮਦਦ ਕਰਨ ਲਈ ਵਾਧੂ ਸਹਾਇਤਾ ਅਤੇ ਸਰੋਤ ਪ੍ਰਦਾਨ ਕਰਨ ਦਾ ਭਰੋਸਾ ਦਿੱਤਾ। ਕੁਝ ਸਥਾਨਕ ਡੀਲਰਾਂ ਦੀਆਂ ਸ਼ਿਕਾਇਤਾਂ ਨੂੰ ਕਾਨੂੰਨ ਅਨੁਸਾਰ ਧਿਆਨ ਵਿੱਚ ਰੱਖਿਆ ਗਿਆ। ਇਹ ਮੀਟਿੰਗ ਜੀ.ਐਸ.ਟੀ ਰਜਿਸਟ੍ਰੇਸ਼ਨ ਅਤੇ ਮਾਲੀਆ ਵਧਾਉਣ ਵੱਲ ਇੱਕ ਮਹੱਤਵਪੂਰਨ ਕਦਮ ਸੀ। ਸ਼੍ਰੀਮਤੀ ਅਨੁਪ੍ਰੀਤ ਕੌਰ ਐਸ.ਟੀ.ਓ ਅਤੇ ਉਨ੍ਹਾਂ ਦੀ ਐਸ.ਟੀ.ਆਈ ਟੀਮ ਨੇ ਫਿਰੋਜ਼ ਗਾਂਧੀ ਮਾਰਕੀਟ ਅਤੇ ਜਲੰਧਰ ਬਾਈਪਾਸ ਵਿੱਚ ਵੀਜ਼ਾ ਅਤੇ ਇਮੀਗ੍ਰੇਸ਼ਨ ਸੇਵਾਵਾਂ, ਵਿੱਤੀ ਸੇਵਾਵਾਂ, ਟਰੈਕਟਰ ਪਾਰਟਸ ਅਤੇ ਹਾਰਵੈਸਟਿੰਗ ਪਾਰਟਸ ਦੇ ਡੀਲਰਾਂ ਅਤੇ ਸਪਲਾਇਰਾਂ ਨਾਲ ਇਸੇ ਤਰ੍ਹਾਂ ਦੀ ਤਰਜ਼ ‘ਤੇ ਮੀਟਿੰਗ ਕੀਤੀ। ਸ਼੍ਰੀਮਤੀ ਸ਼ਾਈਨੀ ਸਿੰਘ ਏ.ਸੀ.ਐਸ.ਟੀ, ਲੁਧਿਆਣਾ-3 ਨੇ ਕਿਹਾ ਕਿ ਵਿਭਾਗ ਦਾ ਉਦੇਸ਼ ਸੌ ਪ੍ਰਤੀਸ਼ਤ ਜੀ.ਐਸ.ਟੀ ਰਜਿਸਟ੍ਰੇਸ਼ਨ ਕਰਵਾਉਣਾ ਹੈ ਅਤੇ ਇਸ ਟੀਚੇ ਨੂੰ ਪੂਰਾ ਕਰਨ ਲਈ ਵਿਭਾਗ ਦੇ ਈ.ਟੀ.ਓ ਅਤੇ ਇੰਸਪੈਕਟਰ 10 ਜਨਵਰੀ, 2025 ਤੋਂ ਗੈਰ-ਰਜਿਸਟਰਡ ਡੀਲਰਾਂ ਦੇ ਸਰਵੇਖਣ ਸੰਬੰਧੀ ਖੇਤਰਾਂ/ਵਾਰਡਾਂ ਵਿੱਚ ਮੌਜੂਦ ਰਹਿਣਗੇ।
Total Users : 9056
Total views : 18435