ਦਿਲਾਂ ਦੇ ਗਲੋਬਲ ਹੀਲਰ ਨੂੰ ਗਲੋਬਲ ਸਨਮਾਨ – ਡਾ. ਗੁਰਭੇਜ ਸਿੰਘ ਕਰ ਰਹੇ ਹਨ ਭਾਰਤ ਨੂੰ ਦਿਲ ਦੇ ਇਲਾਜ ‘ਚ ਵਿਸ਼ਵ ਅਗਵਾਈ ਵੱਲ
ਲੁਧਿਆਣਾ ਪੰਜਾਬੀ ਹੈੱਡਲਾਈਨ (ਹਰਮਿੰਦਰ ਸਿੰਘ ਕਿੱਟੀ) ਵਰਲਡ ਹਾਰਟ ਡੇ (29 ਸਤੰਬਰ) ਦੇ ਮੌਕੇ ‘ਤੇ ਮਸ਼ਹੂਰ ਮੈਡੀਕਲ ਟੈਕਨਾਲੋਜੀ ਕੰਪਨੀ ਮੈਰਿਲ (Meril) ਨੇ ਕਰਿਸਚਨ ਮੈਡੀਕਲ ਕਾਲਜ ਐਂਡ ਹਸਪਤਾਲ, ਲੁਧਿਆਣਾ ਦੇ ਕਾਰਡੀਓਲੋਜੀ ਵਿਭਾਗ ਦੇ ਮੁਖੀ ਡਾ. ਗੁਰਭੇਜ ਸਿੰਘ ਨੂੰ ਸਟ੍ਰਕਚਰਲ ਹਾਰਟ ਇਨੋਵੇਸ਼ਨ ਦੇ ਖੇਤਰ ਵਿੱਚ ਸ਼ਾਨਦਾਰ ਯੋਗਦਾਨ ਲਈ ਸਨਮਾਨਿਤ ਕੀਤਾ।
ਅੰਤਰਰਾਸ਼ਟਰੀ ਪੱਧਰ ‘ਤੇ ਪ੍ਰਸਿੱਧ ਕਾਰਡੀਓਲੋਜਿਸਟ ਡਾ. ਗੁਰਭੇਜ ਸਿੰਘ ਦਿਲ ਦੀਆਂ ਨਵੀਂ ਤਕਨੀਕਾਂ ਅਤੇ ਇਲਾਜਾਂ ਦੇ ਖੇਤਰ ਵਿੱਚ ਅਗਵਾਈ ਕਰ ਰਹੇ ਹਨ। ਉਨ੍ਹਾਂ ਨੇ TAVI (Transcatheter Aortic Valve Implantation) ਅਤੇ TEER (Transcatheter Edge-to-Edge Repair) ਵਰਗੀਆਂ ਅਧੁਨਿਕ ਤਕਨੀਕਾਂ ਨੂੰ ਭਾਰਤ ਵਿੱਚ ਸਫਲਤਾਪੂਰਵਕ ਅੱਗੇ ਵਧਾਇਆ ਹੈ। ਉਨ੍ਹਾਂ ਦੀ ਮਿਹਨਤ ਅਤੇ ਵਿਦਵਤਾ ਨੇ ਮਰੀਜ਼ਾਂ ਨੂੰ ਨਵੀਂ ਜ਼ਿੰਦਗੀ ਅਤੇ ਉਮੀਦ ਦਿੱਤੀ ਹੈ।
ਮੈਰਿਲ ਨੇ ਖ਼ਾਸ ਤੌਰ ‘ਤੇ ਡਾ. ਗੁਰਭੇਜ ਸਿੰਘ ਦੀ ਅਗਵਾਈ ਵਿੱਚ ਭਾਰਤ ਦਾ ਪਹਿਲਾ ਦੇਸੀ ਮਿਟਰਲ TEER ਡਿਵਾਈਸ – MyClip ਲਾਂਚ ਕਰਨ ਅਤੇ Myval Transcatheter Heart Valve System ਨੂੰ ਵਿਸ਼ਵ ਪੱਧਰ ‘ਤੇ ਪਹੁੰਚਾਉਣ ਲਈ ਉਨ੍ਹਾਂ ਦੀ ਭੂਮਿਕਾ ਨੂੰ ਸਲਾਮ ਕੀਤਾ। ਉਨ੍ਹਾਂ ਦੀ ਰਹਿਨੁਮਾਈ ਹੇਠ ਭਾਰਤ ਵਿੱਚ 5000 ਤੋਂ ਵੱਧ ਮਰੀਜ਼ਾਂ ਅਤੇ 90+ ਦੇਸ਼ਾਂ ਵਿੱਚ 44,000 ਤੋਂ ਵੱਧ ਮਰੀਜ਼ਾਂ ਦੀ ਜ਼ਿੰਦਗੀ ਬਦਲੀ ਹੈ।
“Don’t Miss A Beat” ਦੇ ਪ੍ਰੇਰਕ ਸੁਨੇਹੇ ਨਾਲ ਮੈਰਿਲ ਨੇ ਕਿਹਾ ਕਿ ਡਾ. ਗੁਰਭੇਜ ਸਿੰਘ ਵਰਗੇ ਵਿਗਿਆਨੀ ਅਤੇ ਡਾਕਟਰ ਸੱਚਮੁੱਚ ਇਨੋਵੇਸ਼ਨ, ਕਰੁਣਾ ਅਤੇ ਉਤਕ੍ਰਿਸ਼ਟਤਾ ਰਾਹੀਂ ਦਿਲਾਂ ਦੀ ਧੜਕਣ ਨੂੰ ਜਿਊਂਦਾ ਰੱਖਣ ਦਾ ਕੰਮ ਕਰ ਰਹੇ ਹਨ।
ਇਹ ਸਨਮਾਨ ਡਾ. ਗੁਰਭੇਜ ਸਿੰਘ ਦੀ ਵਿਦਵਤਾ, ਮਰੀਜ਼ਾਂ ਪ੍ਰਤੀ ਸਮਰਪਣ ਅਤੇ ਦਿਲ ਦੇ ਇਲਾਜ ਦੇ ਖੇਤਰ ਵਿੱਚ ਉਨ੍ਹਾਂ ਦੀ ਅਗਵਾਈ ਦੀ ਪ੍ਰਤੀਕ ਹੈ
